അടരാടുക നാം
അടിമകളെളല്ലിനി
ജന്മം മധുരോജ്ജ്വലമാക്കാന്‍
പൂര്‍വ്വ പിതാക്കള്‍ രണാങ്കണങ്ങളില്‍
ജീവിത രക്തം അര്‍ച്ചിച്ചോര്‍
കച്ചവടക്കാര്‍ കാട്ടിയ ക്രൂരത -
കണ്ടു തരിച്ചവര്‍ കൊണ്ടു മടുത്തവര്‍
മരണം മാതൃക യെന്നെന്നോതി
അഭിമാനം ധന മെന്നെന്നോതി
അടര്‍ക്കളത്തില്‍ അടരാടീടിനോര്‍
അവരുടെ നെഞ്ചിന്‍ തീച്ചൂളകളും
കത്തും കൃഷ്ണ മണിപന്തങ്ങളും
ധീരോദാര സ്വരമാധുരിയും
ചോരച്ചാലാല്‍ പുഷ്പ്പാര്‍ച്ചനയും
നമ്മളെനാമായ്‌ മാറ്റിയതോര്‍ക്ക
അടരാടുക നാം അടിമകളെളല്ലിനി
ജന്മം മധുരോജ്ജ്വലമാക്കാന്‍
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ