പൂവുകള്‍ പാരിന്‍റെ ഓമനകള്‍
പുലര്‍കാലമേകുന്ന സ്വാഗതങ്ങള്‍
സുഗന്ധംപരത്തിസുഖിപ്പിച്ചിടും
സന്തോഷമേകി രസിപ്പിച്ചിടും
തേനല്പ്പമുള്ളില്‍ കരുതിവെയ്ക്കും
സ്നേഹമരന്ദം പകര്‍ന്നു നല്‍കും .
പൂമ്പാറ്റ വന്ന് പുണര്‍ന്നിടുമ്പോള്‍
പുഞ്ചിരിയാല്‍ തേന്‍പകര്‍ന്നു നല്‍കും
പഞ്ചാരപുഞ്ചിരി ചുണ്ടുകളില്‍
അമ്മ മുത്തങ്ങളേകുന്ന പോലെ
പിന്ചോമനച്ചൊരിവായിലേക്ക്
പഞ്ചാമൃത മൂറ്റി നല്‍കും പോലെ .
പിന്ചോമാനകളും ,പൂവുകളും
ഇല്ലയെന്നാകില്‍ നാംഓര്‍ത്തുനോക്കൂ
പാരിതില്‍ മാനവ ജീവിതങ്ങള്‍
എത്രമേല്‍,എത്രമേല്‍ അര്‍ത്ഥ ശൂന്യം
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ