ശൂന്യമാം മിഴി നാലും
ശൂന്യതയിലേക്കൂന്നി
അച്ചെറുകുടിലിലായി-
രിക്കുന്നിരുവരും .
കാലം മെനഞ്ഞു വെച്ച
കളിമണ് പാത്രം പോലെ
കാത്തു കാത്തിരിക്കുന്നു
ആ വൃദ്ധ ദമ്പതികള് .
കണ്ടു മതിവരാതെ
തൊട്ടു കൊതി തീരാതെ
തൊട്ടു തൊട്ടില്ലെന്ന പോല്
മുട്ടി മുട്ടിയിരിപ്പൂ .
നേര മൊട്ടില്ലോരാള്ക്കും
തിരിഞ്ഞു നോക്കീടുവാന്
സ്വന്ത മെന്നുരചെയ്യാന്
സന്താനങ്ങള്ഉണ്ടെന്നാലും .
ധൂസരസ്വപ്നത്തിന്റെ
ധൂളികള്തുടച്ചവര്
ചായവും,ചമയവും
ചികഞ്ഞു നോക്കിടുന്നു
ധന്യമെന്നന്നുതോന്നി
അന്യമായ് തീര്ന്നുഇന്ന്
എങ്കിലുംഭൂവില് വാസം
എത്രയോ മഹത്തരം
2012, മാർച്ച് 2, വെള്ളിയാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ