കോച്ചിവലിക്കുന്ന കൈയും,കാലും
കൊട്ടാന്‍ച്ചുക്കാദിതേച്ച്‌
കോണിയിലിരിക്കും കുഞ്ഞി ക്കോയ
തലമുട്ടു കാണുമ്പം
തലേക്കെട്ടഴിച്ച്
തൊള്ള തുറന്നു ചിരിക്കും.
കുഞ്ഞികൈക്കോറെങ്ങോട്ടാ
എന്ന് കണ്ണിറുക്കി കാണിക്കും
കല്ല്യാണം കൂടാന്‍ കവലെലേക്കെന്നു
പറഞ്ഞാല്‍
കെസ്സുപാട്ട് മൂളും നൊസ്സന്‍ കോയ
മൂക്കിള ഒലിപ്പിച്ച്മൂരിയറവ്
നോക്കിനിന്ന
ചെക്കനാന്നു പോലും
അറിയപ്പെടുന്ന അറവുകാരന്‍ കോയ
നിസ്ക്കാരവും,നിക്കാഹും മറന്ന്
അറുത്തു തള്ളി പോലും
മനസ്സും,മോഹങ്ങളും
ബാക്കിയായത്
ഓണക്കാനിട്ട കൊമ്പും,-
തോലും പോലെ
ചുക്കിച്ചുളിഞ്ഞ ഈ ജീവിതം
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ