കവിതക്കാര്യം

മിഴികൊണ്ടേറെപ്പറഞ്ഞു
മനസ്സുകൊണ്ടും
വാക്കുകളേറിപ്പോയാലോ .
വിശപ്പ് വാരി തിന്നിട്ടും
ദേഷ്യവും,ദുഖവും ചവച്ചരച്ചിട്ടും
മനസ്സിലാക്കുന്നെങ്കില്‍ മനസ്സിലാക്കട്ടെ
തെളിച്ചതിലൂടെ മറഞ്ഞിലേല്‍
മറഞ്ഞതിലൂടെ തെളിക്കുക -
അത്ര തന്നെ
എന്നിട്ടും;
തൊണ്ടയിലിടയ്ക്കിടെകുത്തുന്നല്ലോ
തലയ്ക്കകം വിങ്ങുന്നല്ലോ
നെറ്റിത്തടം വിയര്‍ക്കുന്നല്ലോ
ഈകവിതയുടെ ഒരു കാര്യം
കണ്ടറിയാത്തവര്‍ കൊണ്ടറിയുമെന്നാണല്ലോ
ഹാവൂ,
എഴുതി തീര്‍ന്നു സമാധാനമായി
ഇനി ഏതു എഡിറ്ററുടെ മേശയിലാണ്
എത്തിക്കുക
എന്റെ ജീവിതം പോലെ
ഏതു ചവറ്റു കൊട്ടയിലാണ് തള്ളപ്പെടുക