ഓർമ്മ

ഉറങ്ങുവാൻ കിടക്കുമ്പോൾ
ഓടിയെത്തും നിന്റെ ഓർമ്മകൾ
കണ്‍കളിൽ
പിന്നെ ഇമകൾ പൂട്ടുവാൻ പോലും
മറന്നുപോകും
ഉറക്കം ഉറക്കറയിലേക്ക് ഇറങ്ങിപ്പോകും
ഓർത്തോർത്ത്‌ പിന്നിലെ നിമിഷത്തെ
മുന്നിലെ നിമിഷത്തെ ഒർക്കാതെ
നേരമെത്രവേഗം വെളുത്തുപോയെ-
ന്നോർക്കും  
ഇന്ന്;
ഉറക്കമില്ലാത്ത രാത്രിയിൽ
അറിയാതെ നിന്നെ യോർത്താൽ
ഇറങ്ങിവരും ഉറക്കറ വിട്ട്ഉറക്കം
കണ്ണുകളിലേക്കു ചേക്കേറും
തുറന്നുവെച്ച കണ്ണുകളെഇറുക്കിയടക്കും
കൂർക്കം വലിയുടെ ഒരുകല്ല് മുകളിലേക്കും
മുകളിൽ നിന്ന് താഴേക്കും ഉരുട്ടിയിടും