പ്രണയപ്പാതി വഴിയിൽ
പ്രാണൻ വെടിഞ്ഞോളെ
പ്രാണ പ്രീയസഖിയെ
പാർക്കുവാൻ നടക്കുന്നു
നൂല് പൊട്ടിയ പട്ടമായി -
ക്കറങ്ങീടുന്നു
ഭൂമിതന്നറ്റത്തേക്ക്
വേഗേന നടക്കുന്നു
സ്വർണ്ണ നൂൽ പാലമേറി
സ്വർഗ്ഗത്തിൽ ചെന്നീടുവാൻ
സ്വപ്നത്തിൽ ചാരത്തെത്തി
അവനോടവൾ ചൊല്ലുന്നു
കൊള്ളിയാൻ വെളിച്ചത്തിൽ
കാണുമാ മുഖം മാത്രം
മേഘ പാളികൾ തോറും
മിന്നി മായുമാ രൂപം
രാജ മല്ലി പ്പൂക്കളിൽ
പരക്കും പ്രണയ ഗന്ധം
മുഖത്ത് പതിക്കുന്നു
പ്രണയ കണ്ണീർ ക്കണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ