malayalam blogwriters

http//www.facebook.com/groups/malayalam blog.writers

2015, ഏപ്രിൽ 19, ഞായറാഴ്‌ച

മരിച്ചവര്‍

പത്രത്തിലെ  പാതാളക്കയത്തിലേക്ക്
കൃഷ്ണമണികള്‍ തുളച്ചുകയറുന്നു
മരിച്ചവന്‍റെ വിത്തുംവേരും
വിസ്തരിച്ച് വളരുന്നു
പ്രഭാത പത്രം പ്രഘോഷിക്കുന്നു
ബോംബേറും,വെട്ടിക്കൊലയും, സ്ത്രീപീഡനവും
വാര്‍ന്നചോരയില്‍ പ്രേതത്തിന്റെ  വികൃത രൂപം
ഭയംപടര്‍ത്തുന്നു
എട്ടാംപേജില്‍,മരിച്ചവരെല്ലാം
മത്സരിച്ച് ചിരിക്കുന്നു
ഒരിക്കല്‍ ഒന്നാംപേജില്‍ ഭയംവിതച്ചവര്‍
ഇപ്പോള്‍ ചിരിച്ച്നില്‍ക്കുന്നു
പത്ര ത്തില്‍നിന്ന് പുറപ്പെട്ട് വന്ന്
ചുറ്റും നില്‍ക്കുന്നു
ഇന്ന്ഒന്നാംപേജില്‍വന്ന്ഭയംവിതച്ചവര്‍
നാളെയെട്ടാംപേജില്‍പോയി
ചിരിച്ച് നില്‍ക്കുമായിരിക്കും
 പത്രത്തില്‍നിന്നുമിറങ്ങിവന്ന്
എന്നെയുംകൈയ്യില്‍പിടിച്ച്
വലിച്ച്കയറ്റുമായിരിക്കും
എന്നേക്കുമായിഓര്‍മ്മകളില്‍
ചിരിച്ച്നില്‍ക്കുവാന്‍

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ