നിന്നിൽ നിന്ന് ഉതിർന്നു വീഴുന്നതും
പെയ്തു തീരുന്നതും
നഷ്ട്ട ബോധമാണെന്നെനിക്കറിയാം
അവനായിരുന്നില്ലെ നിന്നെ യൗവന
ത്തിലേക്ക്
തിരികേ കൊണ്ടുവന്നത്
എത്ര നിറഞ്ഞു തുളുമ്പിയിട്ടുണ്ട് നീ
അവനാൽ
എത്ര പൂത്തു വിടർന്നിട്ടുണ്ട് നീ
അതിനാൽ
എത്ര കൊറിച്ചിട്ടുണ്ട് സൗഹൃദം
എന്നിട്ടും; പ്രണയത്തിന്റെ ഉന്മത്താവസ്ഥയിൽ
കലഹമായിരുന്നു നിനക്ക് കൗതുകം
വേർപിരിയലായിരുന്നു പ്രീയം
ഇന്നലെ വരെ ഞാൻ കരുതിയിരുന്നത്
അവനും, നീയും ഒന്നാകുന്നതാണ്
പ്രണയമെന്നാണ്
എന്നാൽ; ഇന്നെനിക്കറിയാം
തന്നത്താൻ മുറിഞ്ഞ് രണ്ടാകുന്നതാണ്
പ്രണയമെന്ന്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ