മുത്തലാക്ക്

പകലിരവില്ലാതെ,യവൾ
ഘടികാരത്തിന്റെ ചംക്രമണം പോലെ.
എന്നിട്ടും, അവളെ ഒരു വണ്ടിക്കുതിരയെ
പ്പോലെ
ഉപയോഗിക്കുന്നു
ഒരുഴവുകാളയെപ്പോലെ പെരുമാറുന്നു.
താൻ ജനിച്ചു വളർന്നനാട്, കൂട്ടുകാർ -
സായാഹ്നസവാരികൾ.
നീ ഏറ്റവും കുടുതൽ സ്നേഹിക്കുന്ന
വീട്ടിൽ നിന്നെങ്ങോട്ടു പോകുന്നുവെന്ന് -
ചോദിക്കുന്ന നക്ഷത്രങ്ങൾ.
അറിയാതെ, യാകാശത്ത് നോക്കി പോകുന്നു
പെണ്ണേ നിന്റെ മൊഞ്ച്
നിന്റെ മഞ്ചലാകുന്നു
നീഭാര്യയായിട്ടും, അമ്മയായിട്ടും
കഷ്ട്ടതയുടെ പര്യായമായിട്ടും
മുത്തലാക്ക് നിന്റെ തലയ്ക്കുമേലെ
തൂക്കിയിട്ടിരിക്കുന്ന ഏറ്റവും പുതിയ
ഖഡ്ഗമാകുന്നു
..........................................
മഞ്ചൽ = മയ്യത്തു കട്ടിൽ