കുന്തലത ലക്ഷണമൊത്തവളായിരുന്നു
അവലക്ഷണമെന്ന് ഇന്നേവരെ
പറയിച്ചിട്ടില്ല
ചന്ദുമേനോന് ഇന്ദു ലേഖയുമായ്
വന്ന ആ രാത്രി
അനന്ത പത്മനാഭനെ ധ്യാനിച്ചുള്ള
ഇന്ദു ലേഖയുടെയിരിപ്പ്
പ്രണയം ഇത്രയും തീക്ഷണമെന്നു
അന്നാണ് ഞാന് അറിഞ്ഞത് .
മരണത്തിന്റെ വായില് നിന്ന്
സത്യവാനെ പിടിച്ചു വാങ്ങിയ സാവിത്രി
മധുരാപുരി ചുട്ടു കരിച്ച കണ്ണകി
താജു മഹല് പണിതുയര്ത്തിയ ഷാജഹാന്
ചരിത്ര താളുകളില് തുളുമ്പി നില്ക്കുന്ന
എത്ര യെത്ര പ്രണയം .
ഇന്നത്തേത് എന്ത് പ്രണയമാണ്
പണം കൈ മാറ്റം ചെയ്യുന്നത് പോലെ
മാറി മാറി പ്രണയം
ആണും,പെണ്ണും ആസുരതയില്
ആടി തിമര്ക്കുന്നു
ജാരനുമൊത്തുള്ള ജായയുടെ പ്രണയ-
ജ്വരം കണ്ട്
റെയില്വേ ട്രാക്കില് ഒരു മാത്ര
അവളെ തിരയുന്നു അറ്റുപോയ ഭര്ത്താവിന്റെ -
മുഖത്തുനിന്നു കണ്ണുകള്
സ്നേഹം നടിച്ചു വര്ത്തമാനം പറഞ്ഞു കൊണ്ട്
ഗര്ഭിണിയായ ഭാര്യയെ കിത്തി ക്കൊല്ലുന്ന-
ഭാത്താവ്
ഭര്ത്താവിനെ കിണറ്റിലേക്ക് തള്ളിയിട്ടു
അവസാന ശ്വാസം നിലച്ചെന്ന് ഉറപ്പു വരുത്തുന്ന -
ഭാര്യ
പ്രണയം അവസാനിക്കുന്നേയില്ല
