സഖാവ്

എത്ര കാലങ്ങൾ മറഞ്ഞെന്നാലും
ഓർമ്മയിലെന്നും സഖാവ് മാത്രം
സ്നേഹിതാ നീയഗ്നിയായിരുന്നു
ചൂടും വെളിച്ചവുമായിരുന്നു
പൂക്കളെ സ്നേഹിച്ച കൂട്ടുകാരാ
പുൽക്കൊടിയും നിന്റെ കൂട്ടുകാരൻ
സ്നേഹത്തിരയായ് തിളച്ചു നിന്നു
നീ ,ചെന്തീപടരുന്ന പന്തമായും പാവങ്ങൾക്കായി പടപൊരുതി
പട്ടിണിക്കാരോട് കൂട്ടുമായി
മണ്ണിനെ യൊറ്റിക്കൊടുക്കുവോർക്ക്
കണ്ണിൽ കരടായി ശത്രുവായി
തീയുണ്ട മാറിൽ തറഞ്ഞിടുമ്പോൾ
ഇ ൻ ക്വിലാ ബെന്നല്ലെ നീ വിളിച്ചു
ഈസ്മാരകത്തിൽ
ചുമരിൽകാണും
നാമാക്ഷരത്തിനു താഴെയായി
ചോരയിൽ കുതിർന്നു കിടന്ന മുഖം
തീർച്ചയായും അത് നിന്റെയാണ്
ഇല്ല മറക്കില്ലയെന്നുമെന്നും
ഓർമ്മയിലെന്നും സഖാവ് മാത്രം

നൃത്തം

മെയ്യെഴുത്തിന്റെ കവിത പൂത്തുലയുന്നു മനസ്സിൽ
പെണ്ണുടലിന്റെ ഉഗ്ര ദീപ്തിയിൽ
ഒരു നിറഞ്ഞാട്ടം
പ്രകൃതിയും ശക്തിയും ചേർന്നൊരു പകർന്നാട്ടം
അവൾ പേരില്ലാ ചിത്രം
വസന്തം പൂത്തുലഞ്ഞ ശരീരം
ഓരോ അംഗവും ഗരിമ തീർക്കും
ദ്രുത ചലനം
മിഴികളിൽ മൊഴികളാടിക്കളിക്കും
ഭാവനാ വിലാസം
നൃത്തമേ നിൻ സ്വപ്ന ചാരുത
എന്തു മോഹനം നിൻ രാഗ നീലിമ

മിഥുന സന്ധ്യ

സന്ധ്യ സുന്ദരിയായിരുന്നു
അമർത്തിക്കടിച്ച ചുണ്ടു പോലെ
സന്ധ്യ ചുവന്നു
ചക്രവാളത്തിന്റെ ചുമരിൽ അവൾ ചിത്രങ്ങൾ നെയ്തു
തടിയനൊര് മഴക്കാറ്
തടഞ്ഞു നിർത്തിയവളെ
എച്ചിൽ വറ്റുപോലെ പറ്റി നിൽക്കുന്നു
വൃത്തികെട്ട ചിരി
ഭയന്ന സന്ധ്യയുടെ മുഖത്ത്
ചോര കല്ലിച്ച് നിന്നു
അവന്റെ കണ്ണിൽ ആ സക്തിയുടെ
മിന്നൽ പിണരുകൾ
പ്രകാശത്തിന്റെ കവാടങ്ങളോരോന്നായടഞ്ഞു
കാക്കക്കാലുകോറിയ പോലെ
ച (കവാളത്തിൽ ചോരയുടെ പാടുകൾ, പോറലുകൾ
ബലാത്സംഗം ചെയ്യപ്പെട്ട സന്ധ്യ
ഞെട്ടറ്റ മാമ്പൂ പോലെ
കറുത്ത മണ്ണിൽ അടർന്നുവീണു
അവളുടെ മിഴികൾ പെയ്തു തുടങ്ങി
പെയ്യുന്തോറും ഉരുണ്ടു വരുന്നുമിഥുനക്കാറുകൾ

പനി

പനിയുടെ പീത പാതാളത്തിൽ
ജ്വര ജലം തിളച്ചു മറിഞ്ഞു കൊണ്ടിരുന്നു
ക്ലാവു പിടിച്ച പേരോർമ്മകൾ
മനസ്സിന്റെ ഗഹ്വരത്തിൽ
ഇരമ്പി മ റ ഞ്ഞു
ഭയത്തിന്റെ മദപ്പാട് നിലവിളിയായെത്തുന്നു
നിലവിളിയെനക്കിക്കൊണ്ട് പോകാൻ
വണ്ടി ച്ച ക്രമുരുളുന്നു
ഉപ്പ് കലർന്ന തെളിനീര്
മേലാകെ പടർന്നു
 പനിക്കോളിന്റെസ്വപ്നത്തിൽ
മഞ്ഞ വെണ്ണയുടെ പാടപോലെ തെന്നി വീണ സൂര്യപ്രകാശം.
ഒരു നീല പാത്രത്തിൽ നിറയേ കടൽ ച്ചെടി
യെങ്ങും കടൽ ഗന്ധം നിറഞ്ഞു നിന്നു
തട്ടി മറിഞ്ഞ നീല പാത്രത്തിൽ നിന്ന്
കടൽ കരകവിഞ്ഞു
ഞെട്ടിയുണർന്ന് മുങ്ങി പൊങ്ങുമ്പോൾ
പനി ചുരമിറങ്ങി തുടങ്ങിയിരുന്നു

പുഷ്പ്പിണി

ഇപ്പോഴെന്നെ കാണുമ്പോൾ
നാണിച്ചു നിൽക്കുന്നു
ചെമ്പരത്തിപ്പൂവ്
മാസത്തിൽ നാലു ദിവസം
പൂത്തുനിൽക്കാറുണ്ട്
ഞാനുമെന്നറിഞ്ഞതിൽ പിന്നെ 

പ്രണയം

അവളുടെ
കണ്ണുനീരിനിന്നലെ
പൊള്ളുന്ന
ചൂടായിരുന്നുവെന്ന്
രാത്രി കൂട്ടുനിന്ന
കാറ്റ് വന്നു പറഞ്ഞു

അവസാനത്തെ ആഘോഷം

ആഘോഷിക്കണമെന്ന്
മക്കളും പേരമക്കളും
വേണ്ടെന്ന് വെച്ചതാണ്
ചുമരി ലേറി ചില്ലിനുള്ളിൽ
ചിരിച്ച നിൽക്കു ന്ന ഭർത്താവ്
നിർബന്ധിച്ചപ്പോൾ
ഒറ്റാന്തടിയായ, യമ്മയ്ക്ക്
ഒത്തുചേരുന്ന മക്കളെക്കാണാൻ
സമ്മതിച്ചതാണ്.
സ്പതതി യാ ണ്.
അമ്മയേറെ കഷ്ട്ടപ്പെട്ടതല്ലേ
ഒരു സന്തോഷത്തിന്.
പന്തലിട്ടു പുടവ യെടുത്തു
അടുത്ത ബന്ധുക്കളും അയൽക്കാരുമെത്തി
 ഓർമ്മകളെ കീറി മുറിച്ച്
കൊച്ചു കൊച്ചുവർത്തമാനങ്ങൾ.
നനവുള്ള കുറച്ചു വാക്കുമായി
അമ്മ നിന്നു
ചില്ലുമാറ്റി ചുമരിൽ നിന്നുമിറങ്ങി വന്നയാൾ
വിരലുകളിൽ ഇറുകെ പിടിക്കുന്നത്
ഉൾത്തരിപ്പോടെയറിഞ്ഞു
നേർത്ത വിരലുകളിൽ
തണുപ്പ് മാത്രം ബാക്കിയായി