കാക്കകൾ കൊത്തിവലിക്കുന്നു
രാത്രിയുടെ,യിരുട്ടിനെ
കൊറ്റികൾ കൊണ്ടുവരുന്നു
പുലരിയുടെ വെളുപ്പിനെ
മുറ്റമടിച്ചു വാരി കുളികഴിഞ്ഞ കാക്ക
കൊമ്പിലിരുന്നു അമ്മയെ വിളിച്ചുണർത്തുന്നു.
അമ്മ പോയതിൽ പിന്നെ
കാക്കകളെ കണ്ടിട്ടേയില്ല
കാലത്തെ വിളിച്ചറിയിക്കുന്ന കാക്കകൾ
എങ്ങോട്ടാണ് പോയത് ?
കുളിച്ച കാക്കകളെല്ലാം
കൊക്കായിമാറിയിരിക്കുമോ?!
അമ്മ മണമുള്ള പുതപ്പിനുള്ളിൽ
കണ്ണടച്ചാൽ കേൾക്കുന്നു
കാക്കച്ചിറകടിയൊച്ച
ഇന്ന് കാലത്ത്
കണ്ണ് തുറന്നപ്പോൾ കേട്ടു
തൊടിയിലെ വാഴകൈയ്യിലിരുന്നു
ഒരു വിരുന്നുവിളി
ചാടി എഴുന്നേൽക്കുമ്പോൾ കണ്ടു
കൈലൊരു കയറുമായി
തെക്കുനിന്നൊരു വിരുന്നുകാരാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ