അറ്റ വേനൽക്കാലം
ചുട്ടുപൊള്ളും ചൂടിൽ
പരിസ്ഥിതിയെക്കുറിച്ചു
ഒരു മരക്കവിത ഞാൻ വായിക്കുന്നു
പാറിവന്നൊരുകാക്ക
കവിതയിൽ നിന്നൊരു വരികൊത്തി
മരക്കൊമ്പിലേക്ക് പറന്നു
കാലിൽചുറ്റിപ്പിടിച്ച് കൊക്കുകൊണ്ട്
കൊത്തിപ്പറിച്ചു
ടെറസ്സിൽ വെച്ചു കൊത്തിവലിച്ചു കുടഞ്ഞു
വാട്ടർടാങ്കിലിരുന്നു വെപ്രാളപ്പെട്ട്
പറന്നുപോയി
ഇപ്പോൾ മുറ്റത്തെ കല്ലിറമ്പിൽ
ഒരുചെടി മുളച്ചിരിക്കുന്നു
അത് വളർന്നു മരമായി
കവിത പൂത്തിരിക്കുന്നു
അതിന്റെ തണലിലിരുന്നു
ഞാനൊരു പരിസ്ഥിതി കവിത
കൊറി(കുറി )ക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ