ചപ്രമഞ്ച തൊട്ടിലാട്ടുന്ന
മൊഞ്ചത്തി പെണ്ണെ
തഞ്ചത്തിൽ നോക്കി
കൊതിപ്പിക്കുന്നതെന്തിനാ -
കണ്ണേ
മുല്ല മൊട്ടിൻ പല്ല് കാട്ടി
കുണുങ്ങി ചിരികുമ്പം
കണ്ണെ യെന്റെ കരളിനുള്ളിൽ
തുടിക്കും കടൽ ക്കോള് (ചപ്ര)
കണ്ണിനുള്ളിൽ കന്മദ പൂ
വിരിഞ്ഞു നിന്നോളേ ...
കാക്കപ്പുള്ളി കവിളിൽനുണക്കുഴി
കുത്തി നിൽപ്പോളേ
ഹൂറി നിന്റെ മോറുമാത്രം
എന്റെ മനതാരിൽ
എന്നും മാനത്ത് പൂത്തു നില്ക്കണ
പൂനിലാ പോലെ(ചപ്ര)
പഞ്ച വർണ്ണ തട്ടമിട്ട
പുഞ്ച വയൽ തത്തേ
കള്ളക്കണ്ണാൽ
നെഞ്ചിലേ കതിർ കൊത്തിടുന്നോളേ
കണ്ണിൻ കവണ തൊടുത്തു ഞാനതിൽ
കുടുക്കിടും നിന്നെ
പാലും,പഴവുംതന്നുപാതിമെയ്യാക്കിടും-
നിന്നെ (ചപ്ര)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ