എത്രയലഞ്ഞിട്ടും

മുത്തശ്ശിയാണ്  മനസ്സിലേക്ക്
ഒരു പുഴയെ ഒഴുക്കി ക്കൊണ്ട് വന്നത്
നിറയെ പച്ചപ്പുള്ള ഒരു നാടിനേയും
ഒരു പുഴയിലൂടെ രണ്ടുതവണ
പോവാൻ പറ്റാത്തത് പോലെ
ചുണ്ടിൽ നിന്നുമടർന്ന ശബ്ദത്തെ
തിരിച്ചെടുക്കാൻ കഴിയാത്തത് പോലെ
ഹൃദയത്തിലണിഞ്ഞ ആഗ്രഹത്തിന്റെ
കങ്കണത്തെ ഊരി മാറ്റുവാൻ കഴിയുന്നില്ല
എത്ര യലഞ്ഞിട്ടും കണ്ടെത്തുന്നില്ല
അങ്ങിനെയൊരു നാടിനെ,പുഴയെ