പറക്കാറുണ്ട് ചില പക്ഷികൾ !
മനസ്സുകൊണ്ടും
മനസ്സിൻ്റെ ബലം കൊണ്ടും
ഒന്നുമില്ലാത്തതിനാൽ
ഒന്നും നഷ്ടപ്പെടാനില്ലാത്ത -
തുകൊണ്ട്
അതിജീവനത്തിനുള്ള
നിശ്ചയദാർഢ്യം കൊണ്ട്
അഗാധമായ
ആഴത്തിൽ നിന്നൊരു കുതി -
പ്പാണ്
ഏതു മഹാശക്തിയുടെയും
വായ് പിളർത്തി
മഹത്തായ ബോധ്യത്തിൻ്റെ
ഒറ്റ കുതിപ്പ്
പരിഹാസങ്ങളെയും
കൺകൂർപ്പുകളെയും
കവച്ചുവച്ച്
കുരുത്തത് കിളിർക്കാനും
കായ്ക്കാനുമാണെന്ന്
കണ്ടറിയാനും, കൊണ്ടറിയാനും
ചിറകുള്ളതുകൊണ്ടു മാത്രം
പറക്കാൻ കഴിയില്ലെന്ന്
ഓർമ്മപ്പെടുത്താനും.
