ഞാനെന്നുമെഴുതും
മനസ്സിലോരോ കവിത
ആശയങ്ങൾ അടരായ് -
അടരുമ്പോഴാണ്
അല്ലലിൻ്റെ ഒല്ലൽ വന്ന്
വഴിമുടക്കുക
കട്ടൻ ചായ, പ്രാതൽ,
ഉപ്പില്ല, മുളകില്ല, അലക്ക്,
കഴുകൽ
അടുക്കളയുടെ ആഴക്ക-
ടലിൽ
നില കിട്ടാ പിടച്ചിൽ
ഞാനെന്നുമെഴുതും
മനസ്സിലോരോ കവിത
ചിലത് മുഴുമിപ്പിക്കും
ചിലത് മുളയിലെ കൂമ്പ-
ടയും
ചിലത് പാതി വഴിയിൽ
മറ്റു ചിലത് ഇഴഞ്ഞിഴഞ്ഞ്
'അലക്കൊഴിഞ്ഞിട്ട്
കാശിക്കു പോകാൻ
എവിടെ നേരം'
ഭാവിയോർമകൾ ഭാവനയുടെ
ചിറകുകൾ അറുത്തു കൊണ്ടേ -
യിരിക്കുന്നു
മുഴുമിപ്പിക്കാതെ പോയ
ഒരു കവിതയാണു ഞാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ