ചിറകു വിടർത്തുന്ന പക്ഷിയാകണം.
അതിരുകളില്ലാത്ത നീലവിണ്ണിൽ,
അലയടിച്ചുയർന്നു പറന്നിടേണം.
മതത്തിൻ മതിൽക്കെട്ടുകൾക്കപ്പുറം,
മനുഷ്യത്വത്തിൻ്റെമണം തേടിടാം.
ജാതിതൻ കരിനിഴൽ വീണിടാതെ,
സ്നേഹത്തിൻ പൊൻ വെളിച്ചം പടർത്താം.
പഴമതൻ ചങ്ങല പൊട്ടിച്ചെറിഞ്ഞു,
പുതുമതൻ പാതയിൽ മുന്നേറിടാം.
അന്ധവിശ്വാസത്തിൻ ഇരുളകറ്റി,
അറിവിൻ ദീപം കൊളുത്തി വെയ്ക്കാം.
ചോദ്യങ്ങൾ മടിക്കാതെ ചോദിച്ചിടാം,
സത്യത്തിൻ നേർവഴി തേടിച്ചെല്ലാം.
അടിച്ചേൽപ്പിക്കും വിചാരങ്ങളെ,
അകക്കണ്ണാൽ നമുക്കു ചികഞ്ഞു നോക്കാം.
പെണ്ണിനും ആണിനും തുല്യമായി,
ചിന്തിക്കാൻ അവകാശ,മിവിടെ വേണം.
അടിമത്തത്തിൻ നുകം വലിച്ചെറിഞ്ഞു
ആത്മാഭിമാനമുയർത്തിടേണം.
പ്രകൃതിയെ നോക്കി പഠിച്ചിടാം നാം,
സ്വാതന്ത്ര്യത്തിൻ പൊരുൾ മനസ്സി ലാക്കാം.
ഒഴുകുന്ന പുഴ പോൽ നിർമ്മലമായ്,
ചിന്തകൾ എന്നും പ്രവഹിക്കട്ടെ.
കാലമെത്ര മാറിയെന്നാലും പതറാതെ,
നമുക്കിനി കരുത്തോടെ മുന്നേറിടാം. സ്വതന്ത്ര ചിന്തതൻ വിത്തുകളീ
പ്രഭയേകി പടരട്ടെ ബ്ഭൂമിയാകെ .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ