ഓരംചേർന്ന
ഓർമ്മകളെല്ലാം ചേർന്ന്
ഒരാദിമ മൃഗത്തെപ്പോലെ
അയവെട്ടിക്കൊണ്ടിരിക്കുന്നു
ടെന്നീസ് പന്തുപോലെ ജീവിതം
ഉന്നം പിടിച്ചും,പിഴച്ചും
ഓങ്ങിയും, വാങ്ങിയും
മേലേക്കും, താഴേക്കും
വശങ്ങളിലേക്കും, വശംകെട്ടും
എറിഞ്ഞും, അടിച്ചും
അങ്ങനെ, അങ്ങനെ......
കണ്ണുകളിൽ നീറി നീറിപ്പിടിക്കുന്ന കടൽ
കടലിന്റെ ചുളിവുകളിൽ, മടക്കുകളിൽ
ചുഴികളിൽ, ആഴങ്ങളിൽ
ആദിമമായ തീയുണരുന്നു
പൊട്ടിത്തെറിച്ച അഗ്നിപർവ്വതത്തിൽ നിന്നും
ലാവകൾ ഒഴുകിയിറങ്ങുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ