ചില ജീവിതകൾ

എരിച്ചലുവീണ മൺചട്ടിപ്പോലെ
മാറ്റി കമിഴ്ത്തിയിരിക്കുന്നു
ജീവിതത്തെ അടുക്കളപ്പുറത്ത്.
കരിപിടിച്ച്, പൊടിനിറഞ്ഞ്
ചുക്ലിവലകെട്ടി നിറം കെട്ടു പോയി
രിക്കുന്നു.
എന്നെങ്കിലുമിനി അടുപ്പിൽ വെച്ച്
ചൂടാക്കുമോയിത്?
ഓർമ്മകളെ വിരിച്ചിട്ടിരിക്കുന്നു
വിട്ടിലെല്ലായിടവും
മൺചുമരുകളും ഒളിച്ചുവെയ്ക്കുന്നു
ണ്ട് ചില രഹസ്യങ്ങൾ
അട്ടത്തുവെച്ച തേങ്ങഎലി കരളുന്ന
തുപോലെ
ഒച്ചപ്പെടുന്നു ഓർമ്മകൾ
നമ്മുടെ ഉള്ളിലേക്ക് എന്നും എത്തിനോ-
ക്കുന്നുണ്ട്
ആ പഴയവീട്
എനിക്കെന്നെ എന്നായിരിക്കും നഷ്ട-
പ്പെട്ടിട്ടുണ്ടാക്കുക ?!
അന്ന് ഇവിടെ നിന്നിറങ്ങിപ്പോകുമ്പോൾ
പോകരുതെന്ന് കാലിൽ തടഞ്ഞ് ഇറങ്കല്ല്.
പിണങ്ങി നിന്നു
കിണറ്
ആല
പറമ്പ്
സങ്കടം കടിച്ച് പിടിച്ച്
വീട്
പൊട്ടിക്കരഞ്ഞ്
വാതിൽ
കൺചിമ്മി
അടുപ്പ്
തെറങ്കണ്ണാലെ നോക്കി
ജനൽ
ഇന്നും വളഞ്ഞ നടുവിന് കൈയ്യൂന്നി
മുറ്റത്തെ തിണ്ടിൽ പൂത്തു ചിരിച്ചു നിൽ
ക്കുന്നുണ്ട്
ആ മുത്തശ്ശി ചെമ്പകം