നേർവരയെന്നു തോന്നുന്ന
ജീവിത പാളത്തിലാണ് യാത്ര
തൊട്ടു പിറകിലുണ്ട് മരണ -
ത്തിൻ്റെ റെയിൽ
സൂക്ഷിച്ചു നടക്കുന്നുണ്ട്
എല്ലാവരും
ചിലർ നടക്കാൻ തുടങ്ങു-
മ്പോഴേ
മറിഞ്ഞു വീണ് കീഴടങ്ങുന്നു
ചിലർ പാതി വഴിയിൽ
ചിലർ ഓട്ടത്തിലാണ്
ചിലർ വളരെ ഉയരത്തിൽ
ഏത് ഉയരത്തിലും എത്തും
മരണത്തിൻ്റെ റെയിൽ
ഒരിക്കലും വണ്ടിയെത്തില്ലെന്നു
തോന്നുന്ന ചിലരുണ്ട്
ശുഷ്കിച്ച് ചുക്കിച്ചുളിഞ്ഞ്
കൂനിക്കൂടി
എത്ര മരണത്തിന് താത്കാലിക
സാക്ഷയിട്ടു
എത്ര മരണത്തിന് സാക്ഷിയായി
നടന്നു കൊണ്ടേയിരിക്കുന്നു
ജീവിതം
മരണത്തിൻ്റെ റെയിൽ
മുന്നിലേക്ക് കുതിച്ചു കയറുന്ന -
തുവരെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ