മരണത്തെക്കുറിച്ച് മാത്രം
നിങ്ങൾ ഒന്നും മിണ്ടരുത് !
അവൻ നിന്നിൽ തന്നെയാകുമ്പോൾ
അവനെ ജയിക്കാൻ
ഏതു ശാസ്ത്രം! ഏതു ശസ്ത്രം !!
വ്യാഘ്രത്തിൻ്റെ വായിലെ
ശശമാണ് നീ
വ്യാഘ്രത ഒട്ടും വേണ്ട
വീരേചനം ഫലം ചെയ്യില്ല
നീ കറുകനാമ്പിൻ കടല
കൊറിക്കുക
തളിരിലച്ചാറിൻ മദിരയാൽ
മദിക്കുക
ആഡംബരാംബരചുംബിത
മുദ്രിതനാകുക
വെട്ടിപ്പിടിക്കുക ,കുതികാൽ വെട്ടുക
അവൻ കാട്ടും പടവുകളിലൂടെ
മേലോട്ടു മേലോട്ടു പോവുക
പുളകങ്ങളാൽ പുഷ്പാലങ്കൃത
( യാ)നാവുക
പടവുകളിൽ നിന്ന് പടുകുഴി
യിലേക്കുള്ള പതനത്തേക്കുറിച്ച്
അരുത് ,
ഓർമ്മകൾ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ