ധ്യാന പഥത്തിലെ ഭദ്രദീപം
ധന്യതയേകിയ വിശ്വദീപംനിൻ ധ്വനിയിന്നുമീ, യുർവി -
യിൽ
യെങ്ങും പ്രതിധ്വനിച്ചീടുന്നു
ത്യാഗ തീർത്ഥത്തിൽ മുങ്ങി -
നിവർന്നു നീ
ആത്മാന്വേഷണ സാനുക്കളേറി
സമാധാന സാഗരമിറങ്ങി
സത്യത്തിൻ സംഗീത മിന്നലായ്
അക്ഷരത്തേരേറിപ്പാഞ്ഞ്
അറിവിൻ പെരുമഴ,യൊരുക്കി
പരിഹാസമൊട്ടുമേ പൊഴിക്കാതെ
പതിതനെ തോളോടു ചേർത്തു
ജീവിത വെളിച്ചവും, തെളിച്ചവും
പ്രണയം, മനശ്ശാന്തി, ധർമ്മം
കാവ്യമായ് കാതിൽപ്പകർന്ന്
സിരയിലൊരു സരയുവൊഴുക്കി
സ്നേഹ സജീവ പ്രതിഭാശാലി
നന്മയുടെ നല്ലോമൽ സന്ദേശമേകി
മാനവഹൃദന്തത്തിൻ തുടിപ്പായി
ഒരു പുഞ്ചിരിയുടെ തീരത്തു നിൽ-
ക്കുന്ന നിത്യാനന്ദ നീ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ