വരികളിൽ
നോക്കുകളിൽ
തോക്കുകളിൽ
ഞാൻ എന്നെ കാണുന്നു !
യുദ്ധം നീണ്ടു പോകുന്തോറും
പതാക പാറുന്ന പോസ്റ്റിനു കീഴെ
മുഷ്ടിയിലമർന്ന ഗ്രിഗറിൽ നിന്ന്
വിരലുകൾ തെന്നിപ്പോകുന്നു
പാത്തിയമർന്ന തോളിലെ
പഴുത്ത തഴമ്പുകൾ
തലച്ചോറിലെ ഞരമ്പിലേക്ക്
സൂചി കുത്തിയിറക്കുന്നു
ഞാനുതിർക്കുന്ന ഓരോ -
വെടിയുണ്ടയും
എൻ്റെ നെഞ്ചിലേക്ക് തന്നെ
തുളച്ചുകയറുന്നു !
തോക്കിൻകുഴലിലെ പുകയിൽ
ഞാൻ പുതഞ്ഞു നിൽക്കുന്നു
മരണത്തിൻ്റെ മഞ്ഞ വെളിച്ചങ്ങൾ
അലമുറയിട്ടു പായുമ്പോൾ
ഇമ്മാരണമൊന്ന് കഴിഞ്ഞെങ്കി -
ലെന്ന്
ഉള്ളം തേങ്ങുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ