കാഴ്ചകൾ വറ്റി
കാതിലെ അലയൊലിയടങ്ങി
വാക്കുകൾ വാർന്നു പോയി
നിദ്ര നിർന്നിമേഷം നോക്കി നിൽക്കുന്നു
ചങ്കിലെ ചെങ്കൽച്ചൂളയിൽ നിന്നു
പുകവമിക്കുന്നു
കവിതയുടെ കറുത്ത അക്ഷരങ്ങളുടെ
കരിക്കട്ട
കുമ്മായ വെള്ള തേടുന്നു
ഉള്ളിൽ നിന്ന് തെള്ളിവരുന്നത്
കണ്ണീരായ് പൊട്ടിച്ചിതറുന്നു
ചിതലരിച്ച തായ്ത്തടിക്ക്
കാറ്റു പിടിച്ച പോലെ ഉടലുലയുന്നു
കെട്ട കൃഷ്ണമണി പകച്ചു പോകുന്നു
വിറയാർന്ന ചുണ്ടിലൂടെ
ഇപ്പോൾ വറ്റി തീർന്നേക്കാം എന്ന പോലെ
ഇറ്റി വീഴുന്നു ശ്വാസം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ