കടം കുടിച്ചു കുടിച്ച്
കണ്ണീരു വറ്റി
ചോരച്ച ചോദ്യകൾ
നീലിച്ചു കിടക്കുന്നു
കൈവിട്ട കളിയാണ്
ജീവിതം
വാക്കിൻ്റെ വീക്കേറ്റ്
മൗനം തിണർത്തുനിൽ
ക്കുന്നവന്
കവിതയുടെ കച്ചിത്തുരു
മ്പുപോലുമില്ല
ആശയ്ക്ക് വകയായി
കവിതയും
പ്രണയവും
എഴുതുവാൻ കൊള്ളാം
ഘോര ഘോരം പ്രസംഗിക്കാം
പറഞ്ഞു പറഞ്ഞു പൊലിപ്പിക്കാം
കടംകൊണ്ട്
കാടുകയറിയവന്
കയർക്കുരുക്കിട്ട്
കൊരളു പറിച്ചു കൊടുക്കയല്ലാതെ
ഗതിയെന്ത് ?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ