ഇഷ്ടങ്ങളെല്ലാം നഷ്ടമാകും
നഷ്ടസ്വപ്നങ്ങൾ കൂട്ടുമാകും
എകാന്തവാസത്തിൻ തടവറയിൽ
ഓർമ്മകളോരോന്നായ് പടിയിറങ്ങും
ആദിമമാമൊരു ചോദനയാൽ
ചേതനയാടിക്കളിച്ചിരിക്കും
എന്തെന്തു സ്വപ്നങ്ങളായിരുന്നു
എന്തെന്തു മോഹങ്ങളായിരുന്നു
വെട്ടിപ്പിടിച്ചും അഹങ്കരിച്ചും
അണ്ഡകടാഹം നിറഞ്ഞു നിന്നും!
അങ്ങനെ വാഴാൻ നിനച്ചിരിക്കേ
ഇങ്ങനെ ഒരു വീഴ്ച്ച കാത്തിരിപ്പൂ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ