ആയുസ്സിൻ്റെ കണക്കു
പുസ്തകത്തിൽ
ഇനി എത്ര താൾ ?
അറിയില്ല.
അനുഭവിച്ചു തന്നെ അറിയണം
പാഠപുസ്തകത്തിലെ
അടച്ചു വച്ച മയിൽപ്പീലിയാണ്
ആയുസ്സ്
ആകാശം കാണിക്കരുത്
പെറും ആയുസ്സിനെ.
ആഗ്രഹിച്ചത് സിംഹാസനം
അനുവദിച്ചത് കുരിശ്
കാലത്തിൻ്റെ കണക്കു മാത്രം
തെറ്റാറില്ല
പകലും
രാത്രിയും
സാധാരണമാണെന്ന്
സാമാന്യവത്കരിക്കാം
എന്നാൽ,
എല്ലാവർക്കും വ്യത്യസ്ഥമാണ്
ചിലരുടെ നെഞ്ചിൽ
നിറയൊഴിക്കുന്നു ദിനങ്ങൾ
പൊട്ടിപ്പോകുന്നു പിച്ചച്ചട്ടികൾ
ഉപേക്ഷിക്കപ്പെടുന്നു
നാരകക്കാട്ടിൽ
എണ്ണുവാൻ ഇല്ലാത്തതും
എണ്ണിയാൽ ഒടുങ്ങാത്തതുമാണ്
ആയുസ്സിൻ്റെ
കണക്കു പുസ്തകം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ