വേരുകളാഴ്ത്തിയ ബന്ധങ്ങളെ
കഴിയില്ല പറിച്ചെറിയുവാൻ
പറിച്ചെടുത്താലും
പൊട്ടാതെ കിട്ടില്ല വേരുകളെ
പൊട്ടിയ വേരിൽ നിന്നും
കിളിർക്കാതിരിക്കില്ല തളിരിലകൾ!
ഒരു മരം കൊണ്ടാവില്ലൊരു കാവ്
പലതുള്ളി ചേരുകിലേ പെരുമയും
പെരുതാകു
നഷ്ടങ്ങളുടെ ഒറ്റവരിയാണു ജീവിതം!
ഇഷ്ടങ്ങളേറെ നമുക്കുണ്ടെന്നാകിലും
എങ്കിലും;
ജീവൻ്റെ നടവരമ്പേറുക നാം
കഷ്ടം കഷ്ടമെന്നോതി കളയാനില്ല
നാഴികകൾ
ഏതു ദു:ഖത്തിൻ കണ്ണീർ പുഴയിലും
കിളിർത്തു നിന്നിടും ഒരു കൊച്ചു താമര
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ