പച്ചക്കറികൾ
കരയാറേയില്ല
അവയ്ക്കറിയാം
തങ്ങളുടെ വിധിയെ
ന്തെന്ന്
എപ്പോഴും അരിഞ്ഞു
വീഴ്ത്തപ്പെടാം
നെടുകയോ, കുറുകയോ
എന്നേനോക്കേണ്ടു
എങ്കിലും, ഉള്ളികേമനാണ്
അടുക്കളയിൽ
ഒരാളെയെങ്കിലും കരയിക്കും
ഒരു മുളക് തരം കിട്ടിയാൽ
തിളങ്ങുന്ന കണ്ണുകാണാതെ
കടിച്ചുകീറുന്ന പല്ലുകൾക്കിടയിൽ
ഒന്നു കൂടി ഞെരിഞ്ഞമർന്ന്
ഒരു തുള്ളി കണ്ണീരെങ്കിലും
വരുത്തി നിർവൃതി കൊള്ളും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ