കാലമേ എന്തെന്തു കാഴ്ച്ചകൾ
കണ്ടു ഞാൻ
കാവ്യകല്ലോലിനി താണ്ടി നടന്നു ഞാൻ
കൗമാര, യൗവ്വനക്കാവുകൾ തീണ്ടിഞാൻ
ചെഞ്ചോര തുപ്പിയ മുൾപ്പാത താണ്ടി ഞാൻ
രക്തസാക്ഷിക്കുന്നിലേറി മറഞ്ഞോർതൻ
നക്ഷത്രക്കണ്ണുകളേറെയും കണ്ടു ഞാൻ
ഇന്നും ഞാനിപ്പാതി വഴിയിൽ പതുങ്ങനെ
ഉഴറി നടക്കുന്നു തീരാത്ത പാതയിൽ
കാഴ്ച്ചകളൊക്കെയും മാറി മറയുന്നു
മധുരങ്ങൾ ചാലിച്ച കാകോളമൊഴുകുന്നു
കുരുന്നുകൾ കോമ്പല്ലിൽ കോർക്കപ്പെ ടുന്നു
അമ്മമാർ കണ്ണീർപ്പുഴയിൽ പിടയുന്നു
കാലമേ ;കാഴ്ച്ചകളെന്തൊക്കെ ഇനിയും
ഞാൻ കാണണം
കണ്ണടയ്ക്കാനൊരു വഴികാട്ടിത്തരണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ