വാക്കുകളിൽ നിന്ന്
വാർന്നു പോയി ഹരിതകം
നേർത്തുപോയി ശബ്ദം
കുഴിയിലാണ്ടു കണ്ണുകൾ
ലഹരി കാർന്ന സിരകൾ
ചുളുങ്ങി ചുരുങ്ങിയ നാരുകൾ
വറ്റിപ്പോയ ഒരു പുഴ
വിടരാതെപോയൊരു മൊട്ട്
തൊട്ടു തലോടിയ പുൽക്കൊടി -
ത്തുമ്പിൻ
വെട്ടിത്തിരിഞ്ഞ നടത്തം
മീട്ടുവാനാകാത്ത വിരലുകൾ
സാന്ത്വനം കേൾക്കാത്ത
കാതുകൾ
വെളിച്ചവും തെളിച്ചവും
ഏതോ കിനാവുകൾ
ഇരുൾ മാളത്തിലിരുന്ന്
കരൾ മാന്തി പറിക്കുന്നു
കുരവള്ളി പൊട്ടുന്ന വേദന
തിന്നുന്നു
കുരിശിലേറി
മരണം വരിച്ചവനും
ഉയിർത്തെഴുന്നേൽക്കു -
മെന്നശരീരി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ