ജീവിതത്തിന്റെ ഒട്ടകപ്പുറത്തേറി
ഞാനലയുന്നു
ഏകാന്ത ജീവിതത്തേക്കാൾ നല്ലത്
മരണമെന്ന് തോന്നുന്നു
മടുപ്പിന്റെ,യീതടവറ
ജീവന്റെ അടിവേരിനെസ്പർശിക്കുന്നു
പ്രണയമില്ലെങ്കിൽ ഇന്ദ്രിയങ്ങൾ കൊണ്ട്
അറിഞ്ഞതെല്ലാം വ്യർത്ഥം
പ്രകാശ വഴികളിലെല്ലാം ഇരുളാഴം
സൂചിക്കുഴയിലൂടെ നൂലുപോലെ നൂർന്നു
വന്ന ജീവിതം
തുന്നിച്ചേർക്കാൻ കഴിഞ്ഞില്ലല്ലോ
യിതുവരെ
പലവർണ്ണങ്ങളിൽ തുന്നിയെടുക്കേണ്ട
ഒരു ജീവിതം
നിറംകെട്ട് നിലത്തു കിടക്കുന്നു
പ്രണയത്തിന്റെ വർണ്ണകസവു വെച്ച്
തുന്നിയെടുക്കണം ഒരു കവിത
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ