നീ

ഉള്ളിൽ ഒരു തീയുണ്ടെന്ന്
കാട്ടി തന്നവൾ നീ
അടുത്തിരുന്നാലും
അകന്നിരുന്നാലും
ഒരേ ചൂടെന്ന് അനുഭവിപ്പിച്ച -
തും നീ

എൻ്റെ സ്പർശമാപിനിയിൽ
നിനക്കെന്നും
നൂറു ഡിഗ്രി ചൂടായിരുന്നു

നിൻ്റെ കൈവെള്ളയിലെ
ഒളിഞ്ഞും തെളിഞ്ഞുമുള്ള _
രേഖയിൽ
ഏതിലായിരിക്കും ഞാനുണ്ടോ -
യെന്നറിയുക?
വെട്ടപ്പെടാത്ത ഒരു രേഖ
ഉള്ളിലുണ്ടെന്ന് നിൻ്റെ മറുമൊഴി.
അന്നെനിക്ക് എന്നെക്കാണാൻ
നിൻ്റെ മിഴിക്കണ്ണാടി

ഇന്ന്,
വരണ്ട രസനയും
പിപാസയും മാത്രം തന്ന്
കാടിൻ്റെ ഹരിദശാദ്വലത്തിലേക്ക്
പ്രണയത്തിൻ്റെ മാൻപേട
മറഞ്ഞിരിക്കുന്നു

പൊള്ളുന്നു കണ്ണുകൾ