ദു:ഖങ്ങളുടെ ഘോഷയാത്രയിൽ
ദൂരങ്ങളെത്രയുണ്ടിനിയും
താണ്ടുവാനെന്നാർക്കറിയാം.
ചിരിച്ചുല്ലസിച്ചു ചരിക്കുന്ന നേരത്തും
പഴയൊരാ ഓർമ്മകൾ സരസാ
നുകരുമ്പോഴും
ഉള്ളിൻ്റെയുള്ളിൽ നടക്കുന്നൊരു ഘോഷം
ജീവിത ദുഃഖത്തിൻഘോഷം
മേലെ മോഹങ്ങൾ
മധുരസ്വപ്നങ്ങൾ
കനവിൻ്റെ ചില്ലകൾ
ഒക്കെയും നിമിഷാർദ്ധ ചിത്രങ്ങൾ
താഴെ നേർജീവിതം
തോരാത്ത കണ്ണുനീർ
ചെഞ്ചോരതൻ വഴുവഴുപ്പ്
മൃത്യു തൊടുത്തു കാത്തരിക്കുന്നുകാലം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ