ഇല്ലിനി മോഹങ്ങൾ
ഇല്ലിനിസ്വപ്നങ്ങൾ
ഇല്ലിനിയൊന്നുമീ ജീവിതത്തിൽ
എല്ലാം വിഫലമായ്
എല്ലാം മറന്നു പോയ്
എന്നെ ഞാനെന്നേ മറന്നുപോയി
പലപല ജീവിത ഭാവങ്ങളാടി ആഴക്കടലിൻനടുവിലായി
കഴിഞ്ഞതില്ലിന്നോണം
അരുമയാമോർമ്മയെ
ഇത്തിരി നേരമൊന്നോർത്തിരിക്കാൻ
എങ്കിലും എന്നിട്ടും;
വന്നല്ലോ നീയിന്ന്
നവസൗഹൃദത്തിൻ തിരിനാളമായ്
കൈവിട്ടതൊന്നുമേനഷ്ടമായില്ലെന്നോ
എല്ലാമി ചാരത്തെണയുമെന്നോ
ഇത്രയും സുന്ദര ജീവിത സ്വപ്നങ്ങൾ
ഏകുവാൻ വന്നല്ലോ സൗഹൃദമേ നീ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ