കൂടെ നടന്നൊരു കാലം...
വിടപറഞ്ഞകലുന്ന നേരത്തൊരുങ്ങുന്നു
മിഴികളിൽ കിനിയുന്ന മൗനം.
പങ്കിട്ട നേരവും ഒന്നിച്ച വഴികളും
ഓർമ്മയായ് എന്നും നിറയാം.
ദൂരങ്ങൾ നമ്മെ അകറ്റിയാലും ഇനി
സ്നേഹമായ് കൂടെയിരിക്കാം.
പോകുന്ന വഴികളിൽ വിരിയട്ടെ പൂക്കൾ
വിജയം പുൽകട്ടെ നിന്നെ...
കനവുകൾ നീളുന്ന വാനിൽ ഉയരട്ടെ
കാലം കരുത്തു നൽകട്ടേ ....
വിടയല്ല ചൊല്ലുന്നു പ്രിയ സുഹൃത്തേ
കാത്തിരിക്കാം നമ്മൾ വീണ്ടും.
പുഞ്ചിരി തൂകിക്കൊണ്ടരികിൽ വരുന്നൊരു
നല്ലൊരു നാളേയ്ക്കായി...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ