malayalam blogwriters

http//www.facebook.com/groups/malayalam blog.writers

2011, ജൂലൈ 26, ചൊവ്വാഴ്ച

വാക്കുകള്‍

വാക്കുകള്‍ സൂക്ഷിച്ച് ഉപയോഗിക്കണം
ആ വാക്ക് തന്നെ നിന്നെ തിരിഞ്ഞു കുത്തും !
ഒരു വാക്കൊരു വാക്കിനോട് കലമ്പും
ഒരു നാളോരോര്‍മ്മ വന്നു തള്ളി പ്പറയും
അന്നാളാ വാക്കിനെ ഓര്‍ത്തു നീ
വേവലാതി പ്പെട്ടിട്ടെന്തു കാര്യം ?
നിഴല് പോലുമൊരു ഭയമാകും
നീണ്ട വഴിയൊരു ഭാരമാകും
നീറിടും നെരിപ്പോട് പോലെ
വാക്കിനെ വെല്ലാനില്ലോന്നു മോര്‍ക്കണം

2011, ജൂലൈ 23, ശനിയാഴ്‌ച

കാണാതെ നോക്കണം

പുത്തന്‍ പുഞ്ചിരി യേറ്റി-
വരുന്നോര്‍
പുന്നാരങ്ങള്‍ ചൊല്ലീടുന്നോര്‍
വെള്ള വിരിപ്പിലെ നിഴല്‍
വെട്ടങ്ങള്‍
വെള്ളിടി പോലെ മറഞ്ഞീ-
ടുന്നോര്‍
കരളില്‍ കൊടുവാള്‍ രാകീ -
ടുന്നോര്‍
കൊലച്ചോര്‍ തിന്നു തെഴുത്തു-
കൊഴുത്തോര്‍
കാതു കൊടുത്തീടരുതീവകയെ
കണ്ടെന്നാകില്‍ മണ്ടിടേണം

കൂടെ പഠിച്ചവര്‍

കൂട്ടുകാരോത്തെന്‍ മക്കള്‍
സ്കൂളിലേക്ക് പോകുമ്പോള്‍
കൂട്ടു ചിത്രത്തില്‍ നോക്കി
മൌനിയായ് മാറുന്നു ഞാന്‍
മനസ്സില്‍ പഴങ്കഥ പന്തലായ് -
പടരുന്നു
പിരിയില്ലൊരിക്കലും
പറഞ്ഞോരാത്മ മിത്രം
പരസ്പ്പരം കണ്ടെന്നാലും
മിണ്ടാതെ മാറീടുന്നു .
തലയൊന്നാട്ടുന്നു ചിലര്‍
ചിരിച്ചു കൈ തരുന്നു
ചിലതൊക്കെയോര്‍ക്കുമ്പോള്‍
അക്ഷമ കാട്ടീടുന്നു
നേരമോട്ടുമില്ലെന്നു നടന്നു-
ചൊല്ലീടുന്നു
തിരിഞ്ഞു നോക്കീടാതെ
തിരക്ക് കൂട്ടീടുന്നു
ചോറ്റു പാത്രത്തില്‍ നിന്നും
പഴങ്കഞ്ഞി യെങ്കിലും
പകുത്തുകൊടുത്തവന്‍ -
വഴിയില്‍ കണ്ടെന്നാകില്‍
മണ്ടുന്നു മാനം നോക്കി -
ഞാന്‍ മാവിലായിക്കാരന്‍
എന്നെന്റെ മനസ്സില് -
കോറിയിട്ടും കൊണ്ട്

ഡോക്ടരുടെ കണ്ണുകള്‍ രോഗിയോട് പറയുന്നത്

ഞാന്‍ ദൈവമല്ല
അറിയുന്ന വഴികള്‍ കാട്ടി തരിക മാത്രം
ഈ ടെസ്റ്റുകളെല്ലാംകഴിയട്ടെ
നിങ്ങള്‍ ആഴത്തിലറിയും
ഭേദമാക്കുവാന്‍ കഴിഞ്ഞെന്നുവരില്ല
വേദന മാറ്റുവാന്‍ കഴിഞ്ഞേക്കും
ഞാന്‍ നിങ്ങള്ക്ക് പ്രത്യാശയും ,-
സ്വപ്നങ്ങളും എഴുതിത്തരാം
അത് നിങ്ങളെ രക്ഷിചേക്കും
മനസ്സും,മരുന്നും രമ്യതയിലാകുമ്പോള്‍
രോഗം വിട പറഞ്ഞേക്കും
ധാരാളം ശുദ്ധവായുശ്വസിക്കു (അങ്ങിനെ-
യൊന്നില്ലെങ്കിലും )
ഊഷ്മള മാക്കുവാന്‍ വസ്ത്രങ്ങള്‍-
കൊണ്ട് പൊതിയൂ
വിശ്രമിക്കൂ ,മറ്റൊന്നും ചെയ്യേണ്ട
ശേഷം...........?!

2011, ജൂലൈ 6, ബുധനാഴ്‌ച

ഞണ്ട്

മുതുകില്‍ പോര്‍ ചട്ടപോല്‍
പുറന്തോട്
ഇരു വശങ്ങളില്‍
വാളുപോലുള്ള കാലുകള്‍
പുറത്തേക്കുന്തി നില്‍ക്കും
പളുങ്ക് ഗോട്ടിപോലുണ്ട് -
കണ്ണുകള്‍
ഇറുക്കുന്നുണ്ടോര്മ്മകള്‍
പെരുക്കാലുയര്ത്തി
അറിയാതെ കുടഞ്ഞു പോയ്‌
കൈവിരല്‍
വേദനയുടെ ഒരു മിന്നല്‍
പാഞ്ഞുപോയ് തലയ്ക്കുള്ളിലും

എം.എഫ്.ഹുസൈന്‍

പ്രീയ,ഹുസൈന്‍,നീ
കുതിക്കുന്ന കുതിര
നിന്റെ കടും നിറമെന്റെ കാടും,
മലകളും -
കുന്നും,പുഴകളും .
വിളിക്കുന്നു കിളികളും
ജ്വലിക്കുന്ന സൂര്യനെ .
ഹുസൈന്‍,നിന്റെ
ശ്വാസമാണിന്നെന്‍റെ കാറ്റ്
കാടത്ത മാകെ കടും നിറ-
ച്ചാര്‍ത്താല്‍
കഴുകി ക്കളയുന്നു നിന്‍ -
വിരല്‍ ബ്രഷ്
മത തീവ്ര വാദികള്‍ -
ക്കാവില്ലളക്കുവാന്‍
ഭാരത പുത്രനാം നിന്റെ-
കാല്‍പ്പാടുകള്‍ .
ഹുസൈന്‍ നീയാകും
എന്നുമെന്‍ സൂര്യന്‍
അശ്വാ രൂഢനായ്
വിളങ്ങുന്ന സൂര്യന്‍