malayalam blogwriters

http//www.facebook.com/groups/malayalam blog.writers

2011, ഫെബ്രുവരി 22, ചൊവ്വാഴ്ച

പാത

അപശകുനത്തിന്‍ ആയുധമഴയുടെ
മൃതി നടനമീ പാതയോരം
പിറന്ന പടിയുള്ളപെണ്ണിന്‍നാഭിയില്‍
രതി നടനത്തിന്‍ പരസ്യ ചിത്രം
അമ്പ്‌ തറച്ചൊരു ഹൃദയചിഹ്നത്തിന്‍-
പിന്‍മ്പിലായ്
ശീമമദ്യത്തിന്‍ ഷാപ്പ്‌
മൃതി പതിയിരിക്കുന്ന ഇപ്പാതയാണിന്നു
പുതു തലമുറയുടെ ഇഷ്ട്ട പാത

2011, ഫെബ്രുവരി 21, തിങ്കളാഴ്‌ച

ചിഹ്നം

സ്വാതന്ത്ര്യം ആദ്യമാഘോഷിച്ചത് -
ഗോഡ്സെയാണ്
സ്വാതന്ത്ര്യത്തിന്റെ നെഞ്ചില്‍ നിന്ന്
തെറിച്ചു വീണ ചോരത്തുള്ളിയുടെ
ആഴവും പരപ്പും കൂടി ക്കൂടി വരുന്നു
സ്വാതന്ത്ര്യത്തിനര്‍ത്ഥം ദാരിദ്ര്യ മെന്നാണൊ?
എങ്കില്‍ കൂടുതല്‍ സ്വാതന്ത്ര്യമനുഭവിക്കുന്നവര്‍ -
നാമായിരിക്കും
കുമിഞ്ഞു കൂടുന്ന കോടികളും,കൊടി വെച്ചകാറും
സ്വാതന്ത്ര്യത്തിന്റെ ചിഹ്നം
ഉയര്‍ന്നു വരുന്ന ചേരികളും
പട്ടിണിക്കോലങ്ങളും
സ്വാതന്ത്ര്യത്തിന്റെ കൊടിക്കൂറ
തുടങ്ങാം നമുക്കുമാഘോഷം
ബോംബുകളും ,വെടിക്കോപ്പുകളും -
നിരന്നു കഴിഞ്ഞു

2011, ഫെബ്രുവരി 11, വെള്ളിയാഴ്‌ച

ഇന്നുമുണ്ട്

മനസ്സിലുണ്ടിന്നും ഒത്തിരി നാട്ടുവഴികള്‍
നാട്ടുമാമ്ചോട്ടിലെ തണലും
നീട്ടിയ കുമ്പിളില്‍ ഇറ്റിറ്റു വീഴുംതീര്‍ത്ഥജലവും
ഇടതൂര്‍ന്ന ഇല്ലിക്കാടും
വളര്‍ന്നേറും വള്ളിക്കാടും
ചെംചൊടി ചേലൊത്ത
ചിരിതൂകും മുരിക്കിന്‍പൂവും
കല്യാണ പൊന്നണിഞ്ഞ
കണിക്കൊന്ന പ്പൂമരവും
കുഞ്ഞി ക്കവിള്‍ തുടുപ്പാര്‍ന്ന
ചെമ്പക പൂവും
നീണ്ട് വളഞ്ഞുള്ള നാട്ടു വഴികളില്‍
നാണിച്ചു തല താഴ്ത്തും
തൊട്ടാവാടി ചെടിയും
തൊട്ടിടില്‍ പൊട്ടിപോകാന്‍ വെമ്പല്‍ -
പൂണ്ടിടുന്നൊരു
യൌവന കാലമുണ്ടിന്നു മെന്‍ മനതാരില്‍

കാരാഗൃഹം

മുച്ചക്ര വണ്ടിയായ് മുക്കി മൂളി മുന്നേറും കുടുംബം
ഗൃഹ ഭരണം പുറമ്പണിയുമായ്
പാതിരയോളം അമ്മതന്‍ പെടാപ്പാടു
കണക്കു കനക്കും തലയുമായ്
കൈ നിറയെ ഫയലുമായ്
ഇരുളിന്റെ കൂട്ടുമായ് വന്നെത്തു,മച്ഛന്‍
ട്യൂഷനും ,പാട്ടും, ഡാന്‍സും -
സ്കൂളും ,ഹോം വര്‍ക്കുമായ്
തളര്‍ന്നു തല ചായ്ച്ചുപോം മകള്‍ .
നടു ചക്രമൊന്നിടയ്ക്ക് തെന്നും
അമ്മതന്‍ തിരക്കിലേക്ക്
അലസമായൊന്നു പാളും
അച്ഛന്റെ മനക്കണക്കിലേക്ക്
മുഖം തിരിക്കുമാ മുറിയില്‍നിന്നു നേരെ
പോയിടും തന്റെ കാരാഗൃഹത്തിലേക്ക്