രാവിലെ എഴുന്നേറ്റ് കോട്ടുവായിട്ട്
കണ്ണ് തിരുമ്മി
അടുക്കളയിൽ കടന്നാൽ കാണാം
മടി പിടിച്ചിരിക്കുന്ന കമിഴ്ത്തിയ-
കലങ്ങളും പാത്രങ്ങളും
മടുത്തു;അടുക്കളയിലെ ആടൽ
കരിക്കലക്കോലം കെട്ടൽ
ചിരവ്യ്ക്കെന്താ തേങ്ങ ചിരവിയാല്?
കത്തിയ്ക്കെന്താ പച്ചക്കറികൾ നുറുക്കിയിട്ടാല്?
മിക്സിക്കെന്താ സ്വയമൊന്നു അരയ്ക്കുകയും-
പൊടിക്കുകയും ചെയ്താൽ നൊന്തു പോകുമോ?
അരിക്ക് അടുപ്പിൽ ക്കിടന്നു തിളച്ചാലെന്താ
അരമണി ഊർന്നു പോകുമോ
അഴുക്ക് തുണി അലക്കി അഴയിലിട്ടാൽ
ഒരുകൈ സഹായമായി പോകുമെന്ന് കരുതിയോ
വാഷിംഗ് മെഷിൻ
പൊടിയെല്ലാം ഒന്ന് ക്ലീനാക്കിയാൽ
കാൽതള ഊരിപോകുമായിരിക്കും
വാക്വം ക്ലീനറിന്റെ
അല്പ്പമൊന്നു സഹായിച്ചാലെന്താ
'ഈ മനുഷ്യന്'
അവനവനെപ്പോലെ മറ്റുള്ളവർക്കും
പോകാനുള്ളതാണെന്ന
ഒരു ചിന്തവേണ്ടേ