ചിഹ്നം

സ്വാതന്ത്ര്യം ആദ്യമാഘോഷിച്ചത് -
ഗോഡ്സെയാണ്
സ്വാതന്ത്ര്യത്തിന്റെ നെഞ്ചില്‍ നിന്ന്
തെറിച്ചു വീണ ചോരത്തുള്ളിയുടെ
ആഴവും പരപ്പും കൂടി ക്കൂടി വരുന്നു
സ്വാതന്ത്ര്യത്തിനര്‍ത്ഥം ദാരിദ്ര്യ മെന്നാണൊ?
എങ്കില്‍ കൂടുതല്‍ സ്വാതന്ത്ര്യമനുഭവിക്കുന്നവര്‍ -
നാമായിരിക്കും
കുമിഞ്ഞു കൂടുന്ന കോടികളും,കൊടി വെച്ചകാറും
സ്വാതന്ത്ര്യത്തിന്റെ ചിഹ്നം
ഉയര്‍ന്നു വരുന്ന ചേരികളും
പട്ടിണിക്കോലങ്ങളും
സ്വാതന്ത്ര്യത്തിന്റെ കൊടിക്കൂറ
തുടങ്ങാം നമുക്കുമാഘോഷം
ബോംബുകളും ,വെടിക്കോപ്പുകളും -
നിരന്നു കഴിഞ്ഞു