കന്നട അറിയാത്ത ഞാൻ
ബാംഗളൂരിൽ ചെന്നപ്പോൾ
ഞാൻ പറയുന്നതൊന്നും
അവർക്ക് മനസിലാകുന്നില്ല
അവർ പറയുന്നത് എനിക്കും
മിഴിയിലതെ ഭാവം
മൊഴിയിൽ മാത്രം മാറ്റം.
കെട്ടിടത്തിൻ മുകളിലിരുന്നു-
ഒരു കാക്ക കരയുന്നു
മലയാളത്തിന്റെ അതേ ഭാഷയിൽ
ഒരു പൂച്ചയും അതേ ഭാഷയിൽ-
മുട്ടിയുരുമ്മി എന്നോടു സംസാരിക്കുന്നു
മരത്തിലെ അണ്ണാനും
മന്ദമെത്തുന്ന മാരുതനും.
ഇപ്പോഴെനിക്കറിയാം
മൊഴി മാറിയാലും
മനസ്സറിഞ്ഞാൽ മതി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ