അടുക്കളയില്‍

അടുക്കളയുടെ അകം എന്നും നിറഞ്ഞിരിക്കുന്നു
പല വ്യഞ്ജനങ്ങള്‍ പല തട്ടുകളില്‍ വെച്ചിരിക്കുന്നു
കൊതി പെരുക്കുന്ന മണം -
കറികള്‍ വിളന്പികൊണ്ടിരിക്കുന്നു
കത്തികറിക്ക് നുറുക്കിക്കൊണ്ടിരിക്കുന്നു
പാത്രങ്ങള്‍ കഴുകി നിരന്നിരിക്കുന്നു
എണ്ണകളില്‍ കുളിച്ചു കടുക്
കറികളിലേക്ക് പൊട്ടിത്തെറിക്കുന്നു
ചരിഞ്ഞിരുന്നു ചിരവകള്‍ നാക്കിട്ടടിക്കുന്നു
തീന്‍മേശകള്‍ നിറയുകയും
ഒഴിയുകയും ചെയ്യുന്നു
അടുക്കളക്കാരിയുടെ വയറിനകം
എന്നും ഒഴിഞ്ഞു തന്നെ ഇരിക്കുന്നു