തിരക്കുള്ള ബസ്സിൽ
തൂങ്ങി പ്പിടിച്ചു കയറുമ്പോൾ
ഓടിവന്നൊരുചാറ്റൽ മഴ
കൂടെ പോരട്ടേന്നു കണ്ണിറുക്കി
അടുത്ത സ്റ്റോപ്പിൽ നിന്ന്
ഒരു വലിയ മഴ തെക്കോട്ടും-
ഒന്ന് പടിഞ്ഞാട്ടും
ബസ്സിറങ്ങിപ്പോയി
കോളേജ് സ്റ്റോപ്പിൽ ഇറങ്ങിയപ്പോൾ
ചാടിയിറങ്ങിയ ചാറ്റൽ മഴ
അനുവാദം ചോദിക്കാതെ
കുടയ്ക്കുള്ളിലേക്ക് കയറി
നാണിച്ചു പോയ ഞാൻ
കൂട്ടുകാർ കണ്ടില്ലെന്നു നടിച്ച്
കളിവാക്ക് കേട്ടില്ലെന്നു നടിച്ച്
ഒതുക്കി പ്പിടിച്ച പാവാടയുമായ്
പതുങ്ങി നടന്നു
കോളേജ് ഗേറ്റിൽ വെച്ച്
ഒന്നും മിണ്ടാതെ
കൂട്ടു കാരുടെ ഇടയിലേക്ക്
ഇറങ്ങിപ്പോയ മഴയെ നോക്കി
ഞാനൊരു മണ്ടിയെ പ്പോലെ നിന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ