ഒരു കൊച്ചു മാമ്പഴ കൊതിയുമായി
മാഞ്ചോട്ടില്‍ ഒന്നിച്ചു നിന്നവരെ
ഒരു പാടു കേളികളാടിയാടി
ഇന്നിക്കവലയിലെത്തി നമ്മള്‍
ഇനി വഴി പിരിയുവാന്‍ നേരമായി
ഇനി പുതു കൂട്ടിനും കാലമായി
വേദന വേരോടറുത്തീടുവാന്
ആവില്ല മമ മാനസ്സത്തില്‍ നിന്നും
ഓര്‍മ്മകള്‍ ഒരു കൊച്ചു നീറ്റലായും
മാമ്പഴ പ്പുളിയും ,മധുരവുമായ്
എന്നുമി ഹൃത്തില്‍ നിറഞ്ഞു നില്‍ക്കും
ഒന്നൊഴിയാതെ ഞാന്‍ ഓര്‍ത്തു വെയ്ക്കും
പുതു വഴി തേടി പ്പിരിയുന്നോരെ
സോപാനമോരോന്നു മേറുവോരെ
മടിയാതൊരു മന മുണ്ടാവേണം
ഇട നേര മൊന്നു തിരിഞ്ഞു നോക്കാന്‍
എങ്കിലാ മാഞ്ചോട്ടില്‍ എത്തിച്ചേരാം
മാമ്പഴ ച്ചാറിന്‍-
വിരല്‍ കുടിക്കാം
കള്ളമില്ലാത്തോരാ കുഞ്ഞു മനം
കൂട്ട് കാരോത്ത് ചുവടു വെയ്ക്കാം
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ