തെറ്റില്ലാത്ത പുസ്തകം

മഴയാണെന്നെ
കണ്ണീരില്‍ നനച്ചത്‌
മരണത്തിന്‍റെ പക്ഷിയാണ്
പറന്നു വന്നത്
പഴുക്കാതെ പച്ചപ്പ്‌ നഷ്ട്ടപ്പെട്ട
ഒരിലയിന്നു ഞാന്‍
പറക്കാന്‍ കഴിയാത്ത
കല്ലെടുത്ത തുമ്പി
സ്നേഹത്തിന്റെ പൂവാണ്
ക്ഷോഭത്താല്‍ പറിച്ചെറിഞ്ഞത്
പിറന്നുവീണകുഞ്ഞുപൂവ്
പൊള്ളി പിടയുകയാണ്
ക്ഷീരം വറ്റിയ സ്തനം നല്‍കുന്നത്
ക്ഷാരമാണ്
ഉണ്ണിക്കിന്നുണ്ണാന്‍
കണ്ണീര്‍ക്ഷാരം മാത്രം
കരുണവറ്റിയകണ്ണുകളില്‍ നിന്ന്
ചാട്ട വാറുകളാണ് നീളുന്നത്
കുതറി മാറുവാന്‍ കഴിയണം
കുരുന്നിന് വേണ്ടിയെങ്കിലും
ജീവിതത്തിന്റെ പുസ്ത്തകത്തില്‍
എഴുതണംതെറ്റില്ലാതെ ഒരക്ഷരമെങ്കിലും