malayalam blogwriters

http//www.facebook.com/groups/malayalam blog.writers

2011, മാർച്ച് 12, ശനിയാഴ്‌ച

വണ്ട്

ഹൃദയത്തിന്‍റെ ഭിത്തിക്ക്
കാരിരുമ്പിന്റെ ശക്തി
സീമന്തരേഖ പിളര്‍ന്ന്
കുങ്കുമഖനി പണിയുന്നവര്‍
ചാവേറുകള്‍ക്ക്
ചോരപ്പുഴയില്‍ നീരാട്ട്
ചാനലുകള്‍ക്ക് മാംസത്തുണ്ട്കളുടെ
തേരോട്ടം
കണ്ണില്ലാത്ത ചിത്രകാരന്മാര്‍
കൈയില്ലാതെ വരയ്ക്കുകയാണ്
കണ്ണിന്റെ ചിത്രങ്ങള്‍
കഥകള്‍ രചിക്കുന്നത്‌ തോക്കുകള്‍ കൊണ്ട്
പേനയ്ക്കുള്ളില്‍ കൂനിയിരിക്കയാണ് കവിത
എങ്കിലും വിരിയുന്നുണ്ട്
ചില ചെടികളില്‍ ചോരച്ച പൂക്ക (വാക്ക് )ളായി .
പക്ഷെ വിശ്വസിക്കരുത് വണ്ടുകളെ
ചോരയൂറ്റിക്കുടിച്ചാണ്
അവയുടെ ചുണ്ടുകളിത്രയും
കറുത്തു പോയത്

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ