malayalam blogwriters

http//www.facebook.com/groups/malayalam blog.writers

2013, ഒക്‌ടോബർ 19, ശനിയാഴ്‌ച

ഒന്നാം സമ്മാനം


അഞ്ചാം ക്ലാസ്സിൽ പഠിക്കുമ്പോൾ
തഞ്ചത്തിലവൻ
മഷി ഗുളിക വാങ്ങിച്ചു
വക്കുപൊട്ടിയ അലൂമിനിയം -
പിഞ്ഞാണത്തിൽ
ചാലിച്ചു വെച്ചു
പച്ച,ചുകപ്പു,കറുപ്പ്,നീല
അറക്കപ്പൊടിയിട്ടു  നിറങ്ങൾ
പിടിപ്പിച്ചു
എന്നിട്ടും,
അക്കൊല്ലത്തെ ഓണപ്പൂക്കളത്തിനു
ഒന്നാം സമ്മാനം ലഭിച്ചു
നാല്പ്പത്തി എട്ടാമത്തെ വയസ്സിൽ
കാലണയ്ക്ക് വകയില്ലാതെ
കിണറിലെ പാളത്തൊട്ടിയുടെ
കയറെടുത്ത്‌
പറങ്കി മാവിൻ കൊമ്പിൽ കെട്ടി
കഴുത്തിൽ കുരുക്കിട്ടു കവരൻ കൊമ്പിൽ
നിന്ന് 
ഞാൻ താഴേക്കു ചാടി മരിച്ചു
എന്നിട്ടും
അക്കൊല്ലത്തെ കലാലയ
കലാ മത്സരത്തിനു
ഫോട്ടോ ഗ്രാഫിക്ക്
ആ ഫോട്ടോയ്ക്ക് അവനു
ഒന്നാം സമ്മാനം കിട്ടി
മൂന്നാമതും ഇനി എങ്ങിനെ
സമ്മാനം കിട്ടുമെന്ന്
കാക്കയായി ഞാൻ കവരൻ
കൊമ്പിലിരുന്നു
സാകൂതം നോക്കുകയാണ്

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ