വാനിൻ വയലിൽ കൊയ്തൊരു
കറ്റകൾ
കതിരോൻ കെട്ടിപ്പോകുന്നു
കാറ്റലപോലെ പാടിയ പറവകൾ
ചേക്കേറാനായ് പോകുന്നു
പൈദാഹങ്ങൾ തീർത്തൊരു പൈക്കൾ
ആലയിലണയാൻ പോകുന്നു
കേളികളാം പൊടിപൂരമിറങ്ങി
കുട്ടികളും കൂടണയുന്നു
മത്തുപിടിച്ചൊരു മധുമക്ഷികകൾ
മന്ദം മന്ദംപാറുന്നു
സിന്ദൂരപ്പൂ തൂകിയ വാനം
സന്ധ്യാരാഗം മൂളുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ